მონეტები

1. რომანატი (ჰრომანატ) უნდა იყოს რომანოზ II-ის მოჭრილი დრაჰკანი (959–963), უფრო კი რომანოზ III არგიროზისა (1028-34)
2. მონომახატი კონსტანტინე მონომახის მოჭრილი დრაჰკანი (1042–1054)
3. დუკატი კონსტანტინე დუკას მოჭრილი დრაჰკანი (1059–1067)
4. ექუს-თავედი იგივე უნდა იყოს, რაც ათონის ქართველთა მონასტრის ექუს-თავი, ე. ი. რომანოზ დიოგენისა და მისი მეუღლის ევდოკიას მოჭრილი დრაჰკანი, რომელზედაც ექვსი თავია გამოხატული: წინ რომანოზ, იესო ქრისტე და ევდოკია, უკან ევდოკიას შვილები: მიხაილი, კონსტანტინე და ანდრონიკე
5. მიხაილატი უნდა ეკუთვნოდეს მიხაილ VII-ს (1071–1078), კონსტანტინე დუკას და ევდოკიას უფროს ვაჟს, რომლის მონეტას ათონის ქართველთა მონასტრის აღაპებში „დუკატ-მიხაილატი“ ეწოდება (ა. შ.)
   წყარო: ძველი ქართული ენის შეერთებული ლექსიკონი : 16800 სიტყვა : შედგენილია ილ. აბულაძის, აკ. შანიძის, ივ. იმნაიშვილისა და სხვა ავტორთა ლექსიკონური წყაროების მიხედვით / [შემდგ. გრიგოლ რუხაძე ; რედ. გვანცა კოპლატაძე ; დაიბეჭდა სრ. საქ. კათოლიკოს-პატრიარქის ილია II ლოცვა-კურთხევით]. - თბ. : საქ. საპატრიარქოს გამ-ბა, 2008 (გამ-ბა "სამშობლოს" სტ.). - 452გვ. ; 20სმ.. - ეძღვნ. წმ. ილია მართლის დაბადების 170 წლისთავს. - ბიბლიოგრ.: გვ. 6. - ISBN 99940-852-4-7, 2000ც.