უვერტიურა

1. მუს.
   ფრანგ. ouverture
   1. ოპერის, ბალეტის, ოპერეტის და სხვ. საორკესტრო შესავალი;
   2. ერთნაწილიანი საორკესტრო ნაწარმოები.
   იხ. აგრეთვე: მუსიკა, ოპერა, ოპერეტა, ორკესტრი
   წყარო: ჭაბაშვილი, მიხეილ, უცხო სიტყვათა ლექსიკონი / შეადგინა [და წინასიტყვ. დაურთო] მიხეილ ჭაბაშვილმა. - მე-3 შესწ. და შევს. გამოც.. - თბ. : განათლება, 1989. - 600გვ. ; 16სმ.. - სახელთა საძიებელი: გვ. 63-68. - 5მ., 10000ც.[MFN: 2749]
2. ლიტ.მცოდნ.
   ფრანგ.

   ოპერის, ოპერეტის, ბალეტოსა და სხვა მუსიკალურ ნაწარმოებთა შესავალი ნაწილი, მუსიკალუ რი შესავალი საერთოდ. მუსიკიდან ეს ცნება შემოვიდა პოეზიაში, ლიტერატურისმცოდნეობაში, როგორც პოეტური შესავლის გამომხატველი ტერმინი. იგი იხმარება როგორც პირდაპირ, ასევე გადატანითი მნიშვნელობით.

   აუ, როგორ კონტექსტშია წარმოდგენილი ეს სიტყვა ქართულ პოეზიაში:

   
   მე ქანდარიდან დავყურებ სცენას,
   ვით თუთიყუში, რგოლზე მთვლემარე,
   ცეცხლი ედება ჩემს დამწვარ სმენას,
   უვერტიურის ამოდის მთვარე. ვ.გაფრინდაშვილი)

   ასევე საინტერესოა, პაოლო იაშვილის ლექსი „უვერტიურა“, აი, ერთი სტროფი ამ ლექსისა:

   
   ისე მოვედი, რომ არავინ არ მომელოდა,
   მივეცი კოცნა მებაღეს და... გაიღო კარი,
   მარტო ვიყავი!.. ჩემს გარშემო ლურჯად ბნელოდა,
   მაგრამ შემომხსნა ქმრის ხელებმა ტანზე ქამარი!...
   
   გავყვეთ სიმღერებს! ჩემი ვნება ალდართულია,
   და ის მახარებს, მამაისებს ბაღში შემოსულს,
   რომ ჩემი კოცნა, სიყვარული, ხმაც ქართულია,
   >ყოველთვის ციურს ჯერ უცნობი სიგიჟე რომ მსურს.
   
   ჩემი ცხოვრება ისეთია, როგორც ოცნება,
   ჩემი წუხილი, სიხარულიც ტრფობის ბრალია,
   ჩემს სხეულს მეფობს ხან სინაზე, ხან საოცრება,
   დედოფლობს გული! ის ყოველთვის მომღერალია.
   წყარო: ჭილაია, ანდრო. ლიტერატურისმცოდნეობის ძირითადი ცნებები. - თბ. : თბილ. უნ-ტის გამ-ბა, 1971. - 540გვ. ; 22სმ.. - 3მ.20კ. ყდ., 5000ც.