დასარტყმელი საკრავი, შედგება სხვადასხვა სიგანისა და ერთნაირი სიმაღლის თხის ორი პატარა ქილისაგან, რომლებზედაც გადაკრულია ციკნის ტყავი ან ხარის ბუშტი. ქილები ერთმანეთთან თისმითაა გადაკრული. ქილების სიმაღლეა 200-250 მმ, პატარა ქილის დიამეტრი 90 მმ, დიდისა 170 მმ. ქილები გარედან ნაირფერადაა მოხატული. დ-ს უკრავენ ორი პატარა ჯოხით. თუ ჟღერადობის გასაძლიერებლად ტყავის გადაჭიმვა უნდათ, ქილებს მაყალზე ათბობენ, მოსაშვებად კი ტყავებს ოდნავ ასველებენ. დ. უმთავრესად საანსამბლო საკრავია. ორკესტრში პირველად შეიტანა მ. იპოლიტოვ-ივანოვმა („კავკასიური ესკიზები“, 1894), შემდეგ ოპერებში გამოიყენეს დ. არაყიშვილმა („თქმულება შოთა რუსთაველზე“), რ. გლიერმა („შაჰსენემი“) და სხვ.
წყარო: მუსიკის ენციკლოპედიური ლექსიკონი / [შემდგ.: ანზორ თამარაშვილი; მთ. რედ.: გულბათ ტორაძე]. [ახალციხე: თბილ. უნ-ტის მესხეთის ფილიალის გამ-ბა], 2005 (ა.ო. "პროგრესი")