საქართველოსი ფართოდ გავრცელებული უძველესი ქართ. ჩასაბერი სამუსიკო საკრავი. მისი წინამორბედია 1935-37 მცხეთის მიდამოებში არქეოლ. გათხრებისას აღმოჩენილი გედის წვივის ძვლებისაგან დამზადებული პატარა ს. რომელიც ძვ. წ. XV-XIV სს-ით თარიღდება. თანამედროვე ს. მზადდება თუთის ხისა და ლელქაშისაგან. ს. ორგვარია: უენო და ენიანი. ზედაპირზე ამოჭრილია 6-7 თვალი ზურგის მხარეს. ბგერათრიგი დიატონურია, მოქცეულია ერთ ოქტავაში. ტემბრი რბილი და მსტვინავია. იცვლება ჩაბერვის ძალის მიხედვით. გადაბერვით ს-ის დიაპაზონი იზრდება. ს. მწყემსური საკრავია. თანამედროვე ს. იმდენად გაუმჯობესებულია რომ მასზე ვირტუოზულ ნაწარმოებებსაც ასრულებენ (ო. კელაპტრიშვილი და სხვ.) გ. ჩხიკვაძე
წყარო: მუსიკის ენციკლოპედიური ლექსიკონი / [შემდგ.: ანზორ თამარაშვილი; მთ. რედ.: გულბათ ტორაძე]. [ახალციხე: თბილ. უნ-ტის მესხეთის ფილიალის გამ-ბა], 2005 (ა.ო. "პროგრესი")