საკრავზე გაბმული მავთული, აბრეშუმის ძაფი და სხვ. რომელიც რხევის დროს მუს. ბგერას გამოსცემს (ძალი, ალყა, ლარი). ძველად სიმს აკეთებდნენ ხის ქერქის, მცენარიული ბოჩკოსა და ცხოველთა ბეწვისაგან (განსაკუთრებით ცხენის ძუისგან). თანამედროვე მუს. საკრავების სიმებს უმთავრესად ლითონისაგან (ფოლადი), იშვიათად ნაწლავებისაგან, აბრეშუმისა და სინთეზური ბოჩკოსაგან (კაპრონი, ნეილონი) ამზადებენ დაბალი ტონების მისაღებად იყენებენ ე. წ. შემოხვეულ სიმებს (რბილი ფოლადის მავთულზე ერთ ან ორრიგად ახვევენ წმინდა ძაფს). სიმი იხმარება აგრეთვე ზოგიერთ ელექტროაკუსტიკურ ხელსაწყოში.
წყარო: მუსიკის ენციკლოპედიური ლექსიკონი / [შემდგ.: ანზორ თამარაშვილი; მთ. რედ.: გულბათ ტორაძე]. [ახალციხე: თბილ. უნ-ტის მესხეთის ფილიალის გამ-ბა], 2005 (ა.ო. "პროგრესი")