ჩონგური

დასავლეთ საქართველოში (სამეგრელო, გურია, აჭარა) გავრცელებული ოთხსიმიანი ჩამოსაკრავი სამუსიკო საკრავი. მეოთხე სიმს (ქვემოდან მეორეს, დანარჩენებზე მოკლეს) ზილი ეწოდება. იგი სააკორდო ბგერას იძლევა და ყველა სიმზე მაღლაა აწყობილი. თავში სამი მოქლონი აქვს გაყრილი, ზილისათვის კი შუა ნაწილზე სიმები სიმაღლის მიხედვით მსხვილდება (დაბალ ბგერებს უფრო მსხვილი სიმები გამოსცემს და პირიქით). ყველაზე წვრილია ზილი. ჩ-ის წყობა და საკრავის კილო ჰარმონიულ საფუძველზეა აგებული. ჩ. სოლო და საანსამბლო საკრავია.