უჯრედი

ელემენტარული ბიოლოგიური სისტემა, რომელსაც გააჩნია თვითგანახლების, თვითრეგულირების და თვითწარმოქმნის თვისებები. შედგება ბირთვისა და ციტოპლაზმისაგან, აგრეთვე საერთო (ენდოპლაზმური ბადე, რიბოსომები, ლიზოსომები, მიტოქონდრიები, ცენტროსომები, პლასტიდები და სხვ.) და სპეციალური (წამწამები, შოლტები, მიოფიბრილები და სხვ.) დანიშნულების ორგანოიდებისაგან. განასხვავებენ უჯრედების ორ ტიპს: პროკარიოტებს და ეუკარიოტებს