მეგალითური ნაგებობა, მიწაში ვერტიკალურად ჩასობილი ლოდი. ასეთი ლოდები აღმართულია ცალკეულად, ან პარალელური რიგების სახით. ზოგჯერ მენჰირები რელიეფითაც არის შემკული. კავკასიაში მრავლად არის აღმოცენილი მენჰირები, რომლებიც წარმოსადგენენ ქვის ლოდზე გამოკვეთილ თევზების - ე.წ. ვეშაპების უზარმაზარ გამოსახულებებს (სომხურად „ვიშაპ“). მკვლევარები ვარაუდობენ რომ მენჰირებს საკულტო დანიშნულება ჰქონდათ. ასევე გიგანტურ მენჰირებს წარმოადგენს ინგლისში არსებული სტონჰენჯის კომპლექსი. ვარაუდობენ რომ სტონჰენჯი ობსერვატორიას წარმოადგენდა.
წყარო: მსოფლიო კულტურა და ხელოვნება : სასკოლო ლექსიკონი / შემდგ. ნუგზარ ბარდაველიძე ; რედ. ლალი მარგველაშვილი. - თბ. : სულხან-საბას საგანმანათლებლო საზ-ბა, 2011 (შპს "გაზეთი საქართველოს მაცნეს" სტ.). - 120 გვ. ; 24 სმ.. - ბიბლიოგრ.: გვ.120.