Ё А Б В Г Д Е Ж З И К Л М Н О П Р С Т У Ф Х Ц Ч Ш Щ Э Ю Я

გა გრ
გან გარ

გარემოება

წინადადების წევრი, რომელიც გვიჩვენებს, თუ სად, როდის, როგორ, რატომ ან რისთვის მოხდა მოქმედება

 
გარემოების კითხვებია: სად? საიდან? საითკენ? სადამდე? როდის? როგორ? რატომ? რისთვის?

მაგალითები კითხვების მიხედვით:

სად? - ტყეში ერთი დიდი მუხა იდგა.
საიდან? - მთიდან ნიავი წამოვიდა.
საითკენ? - ხალხმა სამლოცველოსაკენ გასწია.
სადამდე? - მზეს ჯერ ჭალამდე ვერ ჩაეღწია.
როდის? - ალიონზე ცა მოიწმინდა.
როგორ? - მდინარე წყნარად მოკამკამებდა.
რატომ? - სიშორის გამო არ მესმოდა, რასაც ამბობდნენ.
რისთვის? - მასპინძლები დასაძინებლად ემზადებოდნენ.

გარემოება გადმოიცემა ზმნიზედით ან სახელით. იგი ჩვეულებრივ შემასმენელს ახლავს და მისი ამხსნელია.

გარემოება შეიძლება იყოს დროის, ადგილის, ვითარების, მიზეზის და მიზნის.

დროის გარემოება გვიჩვენებს, როდის ხდება მოქმედება.

ადგილის გარემოება გვიჩვენებს, სად ხდება მოქმედება.

ვითარების გარემოება გვიჩვენებს, როგორ ხდება მოქმედება.

მიზეზის გარემოება მიგვითითებს მოქმედების მიზეზზე.

მიზნის გარემოება მიგვითითებს მოქმედების მიზანზე.
იხ. აგრეთვე: გრამატიკა
წყარო: მე პატარა ქართველი ვარ გარემოება
ძირითად გვერდზე 10 საუკეთესოდაგვიკავშირდითLogin გვერდის დასაწყისი
© 2008 David A. Mchedlishvili XHTML | CSS Powered by Glossword 1.8.9