ხალვაში ფრიდონ

(1925) ქართველი პოეტი, შ. რუსთაველის პრემიის ლაურეატი. დაამთავრა ბათუმის პედ. ინსტიტუტი და მოსკოვის მ. გორკის სახ. ლიტ. ინსტიტუტთან არსებული უმაღლესი ლიტ. კურსები. 1957 წლიდან საქ. მწერალთა კავშირის აჭარის განყოფილების პასუხისმგებელი მდივანია. პირველი კრებული „მზის ქვეყანაში“ 1948 წელს გამოაქვეყნა ხალვაშის პოეზიას ასაზრდოებს სამშობლოს წარსული, აწმყო და მომავალი, სამხ. საქ-ოს ისტორიული ბედი, ერთიანობის იდეა. პოეტური კრებულები: მუზა და ქარი, „გენაცვალე“, „ლექსები და პოემები“, „ნუგეში“, „მამულიშვილობა“ „ერთტომეული“. პიესები: „ხიხანის ძახილი“, „ვახის ტირილი“, „გადარჩენილი უკვდავება“.