ევა

იუდაისტურ, ქრისტიანულ და შემდგომ მუსლიმანური მითოლოგიის მიხედვით, ადამიანთა მოდგმის წინაპრის ადამის ცოლი, პირველი ქალი და „ყველა სულიერის დედა.“ ძველი აღთქმის მიხედვით,„ ღმერთმა ე. შექმნა ადამის ნეკნიდან და ადამთან ერთად ედემში დაასახლა. აქ ე. გველმა შეაცდინა და აკრძალული ხის „ცნობადისა კეთილისა და ბოროტისა“ ნაყოფი იგემა და ადამსაც შეაჭამა. განრისხებულმა ღმერთმა ადამი და მ. სამოთხიდან განდევნა და სამუდამოდ დასწყევლა ადამიანთა მოდგმა. ე.-ს სახელთან დაკავშირებულია მრავალი ლეგენდა და თქმულება, რაც აპოკრიფულ და ბიბლიის შემდგომ იუდაისტურ ლიტერატურაში გვხვდება.