ვერონეზე პაოლო

(1528-1588) (ქსე) (ნამდვილი გვარი კალიარი) ვენეციელი ფერმწერი გვიანდელი აღორძინების წარმომადგენელი. კარგად შეისწავლა მიქელანჯელოს ნახატები, რაფაელისა და კორეჯოს კომპოზიციები, ტიციანის მიღწევები კოლორიტის დარგში. 150-იან წწ. ჩამოყალიბდა ვ.-ს დამოუკიდებელი მხატვრული სტილი, რომელსაც ახასიათებს ნახატის არისტოკრატიზმი და სხივიანი ვერცხლისფერი ტონით გამსჭვალული სუფთა ფერების შეხამება. მ. ძირითადად მონუმენტურ-დეკორაციული ფერწერის ჟანრში მუშაობდა. ვენეციის საერო და საკულტო შენობების კედლებსა და პლაფონებს ამშვენებს მისი დიდი ზომის მრავალფიგურიანი კომპოზიციები რომლებიც ხშირად ვენეციის რესპუბლიკის დიდების და სამხედრო ტრიუმფებისადმია მიძღვნილი. მისი ნამუშევრებია: ქორწილი კანაში, „მოგვთა თაყვანისცემა,“ „მადონა ყრმასთან და წმინდანებთან ერთად,“ „ქრისტეს დატირება“ და სხვა. „წყვილი ცხენები, ეტლი სწრაფ, ზრუნვა მზიანი, რაღაც სხვაგვარი. მოსვლა ფერების: „ვერონეზე და ტიციანი და ნიაღვარი“ („არდაბრუნება“ - გ. ტაბ.).