ბაჩანა

(1868-1928) (ქსე) რაზიკაშვილი ნიკოლოზ პავლეს ძე. ვაჟა-ფშაველას ძმა, პოეტი, გორის საოსტატო სემინარიის დამთავრების შემდეგ მასწავლებლობდა სოფლებში. სამწერლო ასპარეზზე გამოვიდა 80-იან წლებში. განიცდიდა ხალხური ზეპირსიტყვიერებისა და თავისი ძმის ვაჟას გავლენას. მისი შემოქმედების თემატიკას იმდროინდელი საქართველოს პოლიტიკური მდგომარეობა განსაზღვრავდა. ლექსები: „ნატვრა, „ტყვის სიმღერა, „მუხა“, „ვინა სთქვა საქართველოზე“ და სხვ. სიმბოლურ-ალეგორიული სახეებით გადმოსცემდა სამშობლოს მძიმე მდგომარეობას („ოცნება პატიმრისა“, „გზააბნეული“). პოეტი მთიელთა ყოფა-ცხოვრების ზოგიერთი წეს-ჩვეულების დრომოჭმულობას ამხელს პოემა-რომანში „წაწლობა.“