(1659) (ქსე) ირანელ დამპყრობთა წინააღმდეგ კახეთის აჯანყების გმირული ეპიზოდი. ისტორიოგრაფიაში მცირე ცნობებია შემორჩენილი ამ ბრძოლის შესახებ, ზეპირსიტყვიერებაში კი მდიდარი მასალაა დაცული. აჯანყებულთა თავდასხმა ბახტრიონის ციხეზე, სადაც ყიზილბაშთა მთავარი ჯარი იდგა, როგორც ჩანს, ღამით, მტრისთვის მოულოდნელად მომხდარა. აჯანყებულები ამავე დროს თავს 72 დაესხნენ ალავერდის მონასტრის გალავანში გამაგრებულ ყიზილბაშებს და სასტიკად დაამარცხეს ორივე ციხის მრავალრიცხოვანი გარნიზონი. ფაქტიურად ამან გადაწყვიტა აჯანყების წარმატება. ბ. ბ.-ში მთავარი როლი კახეთის მთიელებმა, თუშ-ფშავ-ხევსურებმა შეასრულეს. ქართული ფოლკლორი ადიდებს ბრძოლის მონაწილე მთიელ გმირებს თუშ ზეზვა გაფრინდაულს, ხევსურ ნადირა ხოშარაულს, ფშაველ გოგოლაურს. ამ ბრძოლას ვაჟა-ფშაველამ მიუძღვნა პოემა ბახტრიონი. ამ ბრძოლის ეპიზოდებია გამოყენებული აკ. წერეთლის რომანში „ბაში-აჩუკი.“
წყარო: სასკოლო ლიტერატურული ლექსიკონი-ცნობარი/ ეთერ კაკალაძე, ნინო ბერიძე ; [რედ.: ნაზი მიქელაძე]. - ბათუმი : ალიონი, 2002. - 524გვ. ; 20სმ.см.. - ISBN 99928-43-54-3
ძირითად გვერდზე 
გვერდის დასაწყისი