ინგოროყვა პავლე

(დაბ. 1893 წ) ქართველი ლიტერატურათმცოდნე. დაამთავრა პეტერბურგის უნივერსიტეტის ისტ.-ფილ. ფაკ.-ტი. იყო საქართველოს მწერალთა კავშირის შექმნის ინიციატორი. 1924-25 წლებში რედაქტორობდა ჟურნალ „კავკასიონს,“ 1928 წ. დააარსა გამომცემლობა „ქართული წიგნი.“ 1936-38 წწ. იყო „დიდი ქართული საბჭოთა ენციკლოპედიის“ რედაქციის განყოფილების გამგე. ი..ს ნაშრომი „ძველქართული სასულიერო პოეზია“ ქართული სასულიერო პოეზიის ძეგლთა შესწავლისა და გამოცემის ერთ-ერთი პირველი ცდა იყო. ი.-ს ფუნდამენტურ ნაშრომში „გიორგი მერჩულე (1954 წ) ფაქტობრივად განხილულია V-X ს.ს. მთელი ქართული სასულიერო პოეზია. ი.-მ ორჯერ გამოსცა „ვეფხისტყაოსანი“ და ორი მონოგრაფია რუსთაველზე; მონოგრაფიები: „ნოკოლოზ ბარათაშვილი“, „აკაკი წერეთელი“, „ილია ჭავჭავაძე.“ მისივე რედაქტორობით გამოიცა გ. მერჩულეს „ცხოვრება გრიგოლ ხანძთელისა“, „ჩვენი საუნჯის“ VI ტომი.