მანდატურების უფროსი, საპოლიციო უწყების ხელმძღვანელი გაერთიანებულ ფეოდალურ საქართველოში. ფიქრობენ, რომ მ. როგორც ნდობით აღჭურვილი მოხელე, მეფის სამზარეულოსაც განაგებდა.მ.-ის საგანგებო სამოხელეო ნიშანი იყო ოქროს ჯოხი, ე. წ. „სამანდატურო არგანი“. მ. იყო ერთ-ერთი ვაზირი (იხ. ვეზირი) და თავისი პატივით ამირსპასალარს უტოლდებოდა. ზოგჯერ შეიძლებოდა, რომ ეს ორი თანამდებობა ერთ პირს ჰქონოდა. მანდატურების გარდა მ.-ს ემორჩილებოდნენ ამირეჯიბი, განმგეთუხუცესი და სხვა მოხელეები. XVI ს. მ.-ობა ეშიკაღასბაშის თანამდებობით შეიცვალა.
- „ალექსანდრე ჭავჭავაძეს ბავშვობიდანვე უბოძეს მანდატურთუხუცესობა“ (სასკ. სახ.-ლო).
წყარო: სასკოლო ლიტერატურული ლექსიკონი-ცნობარი/ ეთერ კაკალაძე, ნინო ბერიძე ; [რედ.: ნაზი მიქელაძე]. - ბათუმი : ალიონი, 2002. - 524გვ. ; 20სმ.см.. - ISBN 99928-43-54-3
ძირითად გვერდზე 
გვერდის დასაწყისი