სიონი

1. ბორცვი იერუსალიმში. ბიბლ. ტრადიციით, იქ იყო მეფე დავითის რეზიდენცია და ღვთაება იაჰვეს ტაძარი იუდაიზმში სიტყვა „სიონი“ სიმბოლურად „ღვთისმოშიშ“ ადამიანს აღნიშნავს
2. ქრისტიანულ მართლმადიდებლურ ეკლესიაში საეკლესიო წმინდა ჭურჭელი, რომელშიც სეფისკვერი ინახება. ამზადებენ ვერცხლისაგან და მინიატურულად ქრისტ. ეკლესიის ფორმას იმეორებს. ქართ. ეკლესიაში ამ ჭურჭელს სანაწილეს უწოდებენ დგამენ საკურთხეველში ტრაპეზზე.
3. სიონის ღვთისმშობლის მიძინების საპატრიარქო ტაძარი, ქართული ხუროთმოძღვრების ძეგლი თბილისში მტკვრის მარჯ. ნაპირზე. ჯვაროვან-გუმბათოვანი ტაძარი. ისტ. ცნობების თანახმად, ქართლის ერისმთავრებს VI ს. II ნახ. დაუწყიათ საეპისკოპოსო კათედრალის–დიდი ეკლესიის ანუ სიონის მშენებლობა.
   წყარო: სასკოლო ლიტერატურული ლექსიკონი-ცნობარი/ ეთერ კაკალაძე, ნინო ბერიძე ; [რედ.: ნაზი მიქელაძე]. - ბათუმი : ალიონი, 2002. - 524გვ. ; 20სმ.см.. - ISBN 99928-43-54-3