გეტერა, ჰეტერა

საბერძნეთში განათლებული, გაუთხოვარი ქალი, რომელიც თავისუფალ, დამოუკიდებელ ცხოვრებას ეწევა. პირველად გამოჩნდნენ კორინთოში აფროდიტეს სატაძრე პროსტიტუციასთან დაკავშირებით. სოლონის კანონების შემდეგ მათ ათენშიც შეაღწიეს და სულ მალე ჭკვიანმა, განათლებულმა, ლამაზმა გ.-ებმა მნიშვნელოვანი ადგილი დაიჭირეს საზოგადოებრივ ცხოვრებაში. მათ სახლში თავს იყრიდნენ თვალსაჩინო, ცნობილი ათენელები, რის გამოც გ.-ები გარკვეულ პოლიტიკურ გავლენასაც აღწევდნენ და პატივისცემით სარგებლობდნენ. გ.- ებიდან ცნობილი იყვნენ: ასპასია, ლამია და ფრინე.