ორკლასიანი დაწყებითი სასწავლებელი, ორკლასიანი სკოლა სწავლების 5-6 წლის ვადით. არსებობდა ოქტომბრის რევოლუციამდე, დიდ სოფლებში, ცალკეულ დიდ სარკინიგზო სადგურებსა და ზოგიერთ სამაზრო ქალაქში. პირველ 3 წელს გადიოდნენ I კლასის კურსს, მე-4 და მე-5 წლებში - II კლასის კურსს. სწავლობდნენ უპირატესად გლეხთა, წვრილ ვაჭართა და შინამრეწველთა შვილები : „ყოველი ღონისძიება უნდა ვიხმაროთ, რათა ... ნორმალური სკოლები გადაკეთებულ იქნას ყოველგან ... ორ-კლასიან სასოფლო სკოლებად“ (II, 463);
„ყოველი ღონისძიება უნდა ვიხმაროთ, რათა დაარსებული ნორმალური სკოლები გადაკეთებულნი იქნან ყველგან ... ორკლასიან სასოფლო სკოლებად“ (IV, 18).
წყარო: შალამბერიძე, გიორგი.იაკობ გოგებაშვილის თხზულებათა ლექსიკონში [მ. ასათიანი, ნ. საბაშვილი].-თბ., : განათლება, 1994 .-64გვ. 20სმ.- 5-505-01892-0 : სახელშეკრ. ფასი, 1000 ც.
ძირითად გვერდზე 
გვერდის დასაწყისი