აივანა

1.ჯილღის მსგავსი სახვნელი, მისი სახესხვაობა. ჯილღის სახვნელის ნაწილი - აივანა მხოლოდ ბუდის სიდიდით და ტარის სიგრძით განსხვავდებოდა. აივანას ყურები უფრო გადაშლილი და მაღალი, წინა ცხვირი კი - ვიწრო იყო. აივანა ისეთ ნიადაგებში გამოიყენებოდა,სადაც მიწა მკვრივი იყო და გვალვას უმკლავდებოდა. ასეთ ნიადაგებში აივანას ვიწრო სახნისი ადვილად ჩადიოდა; მას კორდის გასატეხადაც იყენებდნენ.

2. გრძელი ხე, უკანა ნაწილით ოდნავ მოღუნული და მაჭვასთან მიერთებული.

ლიტ.: ქართველი ხალხის ეთნოლოგიური ლექსიკონი. აჭარა.პროექტის ავტორი და სამეცნიერო ხელმძღვანელი ნ.მგელაძე. ბათუმი,2018.