ალიზი

1.ქვიშა ცემენტის ნარევი ხსნარი, რომელსაც იყენებენ ქვის, აგურის, ან "ბლოკით" ნაგებობათა მშენებლობისას. 2.გამოუწვავი, მზეზე გამომშრალი ბლოკი, რომელსაც იყენებდნენ საშენ მასალად. მზადდება თიხის, ქვიშის, თივის ან ნამჯის ნარევისაგან, ხელით ან ყალიბით. ალიზის დამზადება ქართული აგურის ჭრის დროს გამოყენებული ყველა წესის თანმიმდევრობით მეორდება. განსხვავება არის საშენი მასალის შეზავებაში. ანტიკურ ხანაში ალიზი ერთ-ერთი ძირითადი საშენი მასალა იყო. საქართველოში ალიზი ცნობილია ძვ. წ. მე-6-ე ათასწლეულიდან.

ლიტ.:ივ. ჯავახიშვილი, მასალები საქართველოს მატერიალური კულტურის ისტორიისათვის, 1946; მ.ზანდუკელი, ქართული ხალხური კერამიკა,1982.