წითელყურნიანი საღვინე ჯიში იყო. იგი მაღლარების სახით, ზემო აჭარაში, განსაკუთრებით სოფელ ალმეს მიდამოებში ყოფილა გავრცელებული. სხვა ადგილობრივი წითელი ჯიშებისაგან ალმურაც განსხვავდებოდა,რის გამოც, მას, როგორც უსახელო ჯიშს, ლიტერატურაში, სოფელ ალმეს მიხედვით, "ალმურას" უწოდებდნენ. ადგილობრივი მოსახლეობა მას "შავი ყურძნის" სახელწოდებითაც იცნობდა. უსახელო შავი ყურძნის ჯიშები აჭარაში, მეტადრე ხულოს რაიონში, მრავლად მოიპოვებოდა, რომლებიც როგორც ამპელოგრაფიული ნიშნებით, ისე სამეურნეო ღირებულებებით ერთმანეთისაგან მკვეთრად განსხვავდებოდნენ. მაღლარად გაზრდის გამო,ალმურას ვაზები მოუვლელი, ამინდზე უშუალოდ დამოკიდებული და, შესაბმისად, მოუსავლიანი იყო. თუ ამინდი დაუდგებოდა, მაშინ უხვ მოსავალს გამოიღებდა. მის მოსავალს, ძირითადად, მოსახლეობა ყურძნად იყენებდა, ანდა ბადაგის სახით შესქელებულ ყურძნის წვენს ამზადებდა.
ლიტ.:ქართველი ხალხის...2018:35; შ. ნიჟარაძე,ქართული ენის... 1971:83.
ძირითად გვერდზე 
გვერდის დასაწყისი