1.ხის სამკელი იარაღი; შნაკვის იდენტური იარაღია, რომელსაც გამოიყენებდნენ აჭარაში "ხასი პურის" დროს. ეს არის ორი გრძელი ჯოხი, რომელთა ბოლოები თოკით მოძრავად იყო გაბმული. ასეთ იარაღს, რომელიც რაჭა-ლეჩხუმში და სამეგრელოში შნაკვის სახელით იყო ცნობილი,მახასა და ზანდურის თავთავის საკრეფად ნამგალთან და ხის დანასთან ერთად იყენებდნენ. 2.სამედიცინო ტერმინი -"არტაშანი დაადო"- მოტეხილობის დროს, არტაშანის მეშვეობით, მოტეხილ ადგილს სწორ ფორმას უნარჩუნებდნენ დაზარალებულს და ისე შეუხვევდნენ.
ლიტ.,ქართული მატერიალური...2011:36; ქარტველი ხალხის ეთნოლ.2018:42.
წყარო: ქართული კულტურის ეთნოლინგვისტური ენციკლოპედია : (ძირითადი მახასიათებლები) / [შემდგ. : ნ . ანთელავა, მ. ბუკია, ი. კვაშილავა, მ. ჩუხუა]; შოთა რუსთაველის ეროვნული სამეცნიერო ფონდი .- თბ. , 2023 .-.თავფურც. ავტ. აღნიშნული არ არის . – ბიბლიოგრ. : გვ. 682-694694 .- ISBN 978-9941-503-98—6.
ძირითად გვერდზე 
გვერდის დასაწყისი