სახვითი ხელოვნების სახე, ტექნიკა, რაც მდგომარეობს გრაფიკული და ფერწერული ნაწარმოებების შექმნაში რაიმე ძირითად საფუძველზე განსაზღვრული ფორმის, ფერის, ფაქტურის სხვადასხვა მასალის დაწებებით (ქსოვილი, ტყავი, ხე, ქერქი, მეტალი და სხვ.). აპლიკაციისაგან განსხვავებით, კოლაჟში დაშვებულია კომპოზიციისათვის მოცულობითი ელემენტების გამოყენება, რაც ექვემდებარება მხატვრის ჩანაფიქრის ხორცშესხმისათვის განსაკუთრებით შესაფერისი ხერხების ძიებას. კოლაჟი ფართოდ გამოიყენება XX საუკუნის მხატვართა შემოქმედებაში (მაგ., პაბლო პიკასო, ანრი მატისი და სხვ.).
წყარო: ხელოვნება : მოკლე ენციკლოპედიური ლექსიკონი : მოსწ. / [შემდგ.: ნანა მაჭარაშვილი ; რედ.: ჰამლეტ ჩხენკელი ; მუსიკის შესახებ მასალები მოამზადა ნინო ბესტავაშვილმა]. - თბ. : მერიდიანი, 2004. - 80გვ. : ილ.; 28სმ.. - ISBN 99928-32-31-2 : [ფ.ა.][MFN: 22803]