ლიტერატურის გვარები პირველად აღინიშნა ძველი ბერძენი ფილოსოფოსის არისტოტელეს ტრაქტატში „პოეზიის ხელოვნების შესახებ“ (IV ს. ძვ. წ-ით). დღესაც ლიტერატურულ ნაწარმოებებს აჯგუფებენ ამ პრინციპით: ეპოსი, ლირიკა, დრამა. თითოეულ მათგანში გამოყოფენ ლიტერატურულ სახეობებს, რომლებსაც ჟანრებს უწოდებენ. მაგ., ეპოსს მიაკუთვნებენ რომანს, მოთხრობას, ეპოპეას, ზღაპარს, იგავს და სხვ., ლირიკას - ოდას, ელეგიას, ჰიმნს, მიძღვნას, სიმღერას, რომანსს და სხვ. ლირიკის ჟანრულ ფორმად XIX-XX სს-ში აღიქმება ლექსი. დრამას მიაკუთვნებენ - ტრაგედიას, დრამას (ვიწრო გაგებით), კომედიას; ზოგიერთი ჟანრი შეიძლება უკავშირდებოდეს ერთდროულად ორ გვარს, როგორც, მაგ., პოემა, რომელიც შეიძლება იყოს როგორც ეპიკური, ისე ლირიკული, ანუ ლირიკულ-ეპიკური.
წყარო: ხელოვნება : მოკლე ენციკლოპედიური ლექსიკონი : მოსწ. / [შემდგ.: ნანა მაჭარაშვილი ; რედ.: ჰამლეტ ჩხენკელი ; მუსიკის შესახებ მასალები მოამზადა ნინო ბესტავაშვილმა]. - თბ. : მერიდიანი, 2004. - 80გვ. : ილ.; 28სმ.. - ISBN 99928-32-31-2 : [ფ.ა.][MFN: 22803]
ძირითად გვერდზე 
გვერდის დასაწყისი