წინასწარი განცხადება მომავალი სპექტაკლის ან კონცერტის შესახებ. შემოიღეს XVI ს-დან, უმთავრესად საფრანგეთის თეატრებში. ანონსი ეწოდებოდა სპექტაკლის დაწყების წინ მაყურებლისადმი სცენიდან მოკლე მიმართვას ამ წარმოდგენის, აგრეთვე მოქმედი პირებისა და შემსრულებლების შესახებ, წარმოდგენის დამთავრების შემდეგ კი - რეკლამას უწევდნენ თეატრის შემდგომ სპექტაკლებსაც. ანონსი იყო სპექტაკლის აუცილებელი ნაწილი და მას ასრულებდნენ საგანგებო ტანსაცმელში გამოწყობილი საუკეთესო მსახიობები.
წყარო: ხელოვნება : მოკლე ენციკლოპედიური ლექსიკონი : მოსწ. / [შემდგ.: ნანა მაჭარაშვილი ; რედ.: ჰამლეტ ჩხენკელი ; მუსიკის შესახებ მასალები მოამზადა ნინო ბესტავაშვილმა]. - თბ. : მერიდიანი, 2004. - 80გვ. : ილ. ; 28სმ.. - ISBN 99928-32-31-2 : [ფ.ა.][MFN: 22803]
ძირითად გვერდზე 
გვერდის დასაწყისი