XIX ს-ის დასასრულისა და XX ს-ის დამდეგის მხატვრული მიმდინარეობა, რომანტიზმის განვითარების გვიანდელი პერიოდი, რომლისთვისაც დამახასიათებელია შემოქმედების მცირე ფორმებიდან (რაც რომანტიზმისათვის იყო დამახასიათებელი) კვლავ დიდ, მასშტაბურ ფორმებზე გადასვლა, რომანტიკული პრობლემატიკის ფილოსოფიური გართულება, ყოველდღიურობის, რეალური სინამდვილის უარყოფა, იდუმალ-მაგიურისაკენ მიბრუნება. სხვადასხვა ქვეყანაში ნეორომანტიზმმა სხვადასხვა შინაარსი შეიძინა, ამიტომაც მას ნაკლებად შეიძლება ვუწოდოთ ერთიანი, ზოგადი მიმდინარეობა.
წყარო: ხელოვნება : მოკლე ენციკლოპედიური ლექსიკონი : მოსწ. / [შემდგ.: ნანა მაჭარაშვილი ; რედ.: ჰამლეტ ჩხენკელი ; მუსიკის შესახებ მასალები მოამზადა ნინო ბესტავაშვილმა]. - თბ. : მერიდიანი, 2004. - 80გვ. : ილ.; 28სმ.. - ISBN 99928-32-31-2 : [ფ.ა.][MFN: 22803]