სამეცნიერო კინოს ერთ-ერთი სახე, რომელიც მაყურებელს მარტივი, გასაგები ენით მოუთხრობს მეცნიერებისა და ტექნიკის განვითარებასა და მის გავლენას საზოგადოების ცხოვრებაზე. გადაღების განსხვავებული შესაძლებლობების გამოყენებით (შენელებული, აჩქარებული, მიკროგადაღებები და ა.შ.) სამეცნიერო-პოპულარული ფილმი დინამიკაში აჩვენებს მცენარეების, ცხოველთა სამყაროს ფარულ, ნაკლებად ცნობილ მხარეებს, პროცესებს, რომლებიც მიმდინარეობს ცოცხალ უჯრედთა წინააღმდეგობრივ სამყაროში, აგრეთვე არაცოცხალ ბუნებაში. ამ ჟანრის ფილმები მოიცავენ მეცნიერების სხვადასხვა სფეროსათვის არსებითი პრობლემების ახსნას, მოგვითხრობენ ზოგადად მეცნიერების ისტორიაზე, მეცნიერთა მუშაობასა და მიღწევებზე, რაც მათ, ხშირ შემთხვევაში, აახლოებს დოკუმენტურ ფილმებთან. გარდა ამისა, ტრადიციულად კინოს ამ სახეს მიაკუთვნებენ ფილმებს კინომოგზაურობებზე, ხელოვნებისა და სპორტის წარმომადგენლებზე და ა.შ.
კადრი სამეცნიერო-პოპულარული ფილმიდან „მხატვარი და სივრცე“
ძირითად გვერდზე 
გვერდის დასაწყისი