ლითონის ჩასაბერი საკრავი, მაღალი რეგისტრის მქონე, გამოიყენება როგორც სოლო და საორკესტრო საკრავი, წარმოადგენს ერთხელ შემოხვეულ ცილინდრულ მილს, რომელიც ბოლოში უცებ ფართოვდება. უვენტილო, ნატურალური საყვირი პირველად ორკესტრში გამოიყენა მონტევერდიმ, XVII ს-ში. XIX ს-ში ვენტილებიანი საყვირის შექმნამ გააფართოვა საკრავის დიაპაზონიც და ტექნიკური შესაძლებლობებიც. აქვს ნათელი, კაშკაშა, მკვეთრი ხმოვანება.
წყარო: ხელოვნება : მოკლე ენციკლოპედიური ლექსიკონი : მოსწ. / [შემდგ.: ნანა მაჭარაშვილი ; რედ.: ჰამლეტ ჩხენკელი ; მუსიკის შესახებ მასალები მოამზადა ნინო ბესტავაშვილმა]. - თბ. : მერიდიანი, 2004. - 80გვ. : ილ. ; 28სმ.. - ISBN: 99928-32-31-2 : [ფ.ა.][MFN: 22803]