ტემპი

მუსიკაში მეტრული ერთეულების მოძრაობის სიჩქარე. ტემპის აღმნიშვნელი ტერმინი იწერება ნაწარმოების (ან მისი ნაწილის) დასაწყისში, გასაღების თავზე და განსაზღვრავს შესრულების სიჩქარეს. ტემპი განპირობებულია მუსიკალური ნაწარმოების ხასიათითა და შინაარსით. ძირითადად იხმარება იტალიური ტერმინები, მაგ., Largo, Lento, Adajo- ნელი ტემპები. Andante, Moderato - ზომიერი; Allegro, Vivo, Vivace, Presto - სწრაფი და სხვ.

ზუსტი ტემპი განისაზღვრება სპეციალური ხელსაწყოთი - მეტრონომით, ხშირად ხდება მოცემული ტემპიდან ნაწილობრივი გადახრა (აგოგიკა), თავისუფალ ტემპში შესრულება - rubato, საწყის ტემპზე დაბრუნება - tempo primo.