სიმფონიური ორკესტრის ხის ჩასაბერთა ჯგუფის საკრავი (XVIII ს-დან). აქვს კონუსური გრძელი, ნეკერჩხლის ხისაგან დამზადებული, სამი მუხლისაგან შემდგარი ვიწრო მილი, სარქველებითა და ლითონის პატარა ენაკით. აქვს მრავალფეროვანი ტექნიკური შესაძლებლობები, ბგერა - არცთუ ძალიან ძლიერი, თუმცა სავსე, მღერადი, მეტყველი. თანამედროვე ორკესტრში ორი ფაგოტია, საჭიროების შემთხვევაში გამოიყენება კონტრფაგოტი, რომელიც ზომით ფაგოტზე ორჯერ დიდია.
წყარო: ხელოვნება : მოკლე ენციკლოპედიური ლექსიკონი : მოსწ. / [შემდგ.: ნანა მაჭარაშვილი ; რედ.: ჰამლეტ ჩხენკელი ; მუსიკის შესახებ მასალები მოამზადა ნინო ბესტავაშვილმა]. - თბ. : მერიდიანი, 2004. - 80გვ. : ილ. ; 28სმ.. - ISBN 99928-32-31-2 : [ფ.ა.][MFN: 22803]