სხვადასხვა საკრავზე შემსრულებელ მუსიკოსთა დიდი კოლექტივი. შემადგენლობის მიხედვით არსებობს: სიმფონიური, სიმებიანი. სასულე და სხვა სახის ორკესტრები. ყველაზე მდიდარი და სრულყოფილი შემადგენლობისაა სიმფონიური ორკესტრი. მისი კლასიკური შემადგენლობა დაადგინა ჰაიდნმა XVIII ს-ის მეორე ნახევარში. სრულყვეს მოცარტმა, ბეთჰოვენმა და მსოფლიოს სხვა უდიდესმა მუსიკოსებმა.
ორკესტრი სიმფონიურ ორკესტრში საკრავები ოთხ ძირითად ჯგუფად იყოფა: I სიმებიან საკრავთა ჯგუფი - ვიოლინო, ალტი, ჩელო, კონტრაბასი; II. ხის ჩასაბერ საკრავთა ჯგუფი - ფლეიტა, ჰობოი, კლარნეტი, ფაგოტი; III. ლითონის ჩასაბერ საკრავთა ჯგუფი - საყვირი, ვალტორნა, ტრომბონი, ტუბა; IV. დასარტყამ საკრავთა ჯგუფი - ლიტავრები, სამკუთხედი, თეფშები, დიდი და პატარა დოლი და სხვ.