ავანპორტი

ავანპორტი - (ფრანგული - avant-port),

1. პორტის გარეთა ნაწილი, სადაც გემები ღუზაზე დგებიან და ხდება მათი დატვირთვა-გადმოტვირთვა.

ავანპორტების აგება დაიწყეს XIX საუკუნის მიწურულში ახალი, დიდი საოკეანო გემებისათვის. თანამედროვე ავანპორტებს აგებენ ისეთ პორტებში, რომელთა გაღრმავება დიდი ხარჯის გამო მიზანშეუწონილია. ავანპორტებისთვის არჩევენ ღელვისაგან ბუნებრივი საფრით დაცულ ადგილებს; თუ ეს არ ხერხდება, მაშინ აშენებენ სპეციალური მისადგომებით მოწყობილ ნაგებობებს (მოლოებს, ტალღათსაჭრელებს).

2. მდინარის შესართავის შორიახლო აგებულ მთავარ პორტთან შეწყვილებული ნავსადგური, რომელიც უშუალოდ ზღვაზე გამოდის. მთავარი პორტისაგან განსხვავებით ავანპორტი უფრო ღრმაა ან ნაკლებად იყინება, რაც აადვილებს საზღვაო გემების მიდგომას.

უცხოეთის ზოგიერთი ქვეყნის არმიაში ავანპორტი არის მეწინავე პოსტი ან სადარაჯო პოსტი მტრის პოზიციის პირისპირ. ავანპორტი დასასვენებლად ან თავდაცვაში განლაგებულ ჯარს იცავდა მტრის მოულოდნელი თავდასხმისაგან.

წყარო

ქართული სამხედრო ენციკლოპედიური ლექსიკონი