ავრიაღდი

ავრიაღდ-ი (ოს. Æвриагъд) – ბუნებრივი სტიქიის მფარველი ღვთაება; განაგებს ღრუბლებს, თქეშსა და სეტყვას. მის ადგილსამყოფლად ითვლებოდა ძველი სათემო კოშკის ნანგრევები – ავრიაგის ძუარები (სამლოცველოები), რომლებიც იმავდროულად სოფლის მფარველის სალოცავებსაც წარმოადგენდნენ და ცნობილნი იყვნენ „სოფლის ბარდუაგის“ (სოფლის ანგელოზის) სახელით. ავრიაგს გარკვეულ დღეებში ცხვარს სწირავდნენ და კარგ ამინდსა და უხვ მოსავალს შესთხოვდნენ.

ლიტერატურტა

• Миллер В. Ф. Осетинские этюды. Владикавказ, 1992;
• Дзадзиев А. Б., Дзуцев Х. В., Караев С. М. Этнография и мифология осетин. Владикавказ, 1994;
• Цгоев Х. Ф. Словарь осетинской мифологии и уклада жизни. Владикавказ, 2015.

წყარო

კავკასიის ხალხთა მითები და რიტუალები