ალთინშაში

ალთინშაშ-ი - (ნოღ. Алтыншаш – „ოქროსთმიანი“), წყალთა გამგებლის ოქროსთმიანი ქალიშვილი ნოღაურ მითოლოგიაში. ცხოვრობს მდინარისპირას მდებარე სასახლეში. მტრობს ადამიანებს, კლავს მათ და იტაცებს ცხენებს. გმირი მას ძალადობით იმორჩილებს და ცოლად ირთავს. მსგავსი პერსონაჟი ცნობილია კავკასიის თურქულენოვანი ხალხების, ასევე თურქული და მონღოლური მითოლოგიიდან.

ლიტერატურა

• Ногай эртегилер. Туьзувши Д. М. Шихмурзаев. Махачкала, 1993;
• Кондыбай С. Казахская мифология. Алматы, 2005;
• Капаев И. Ногайские мифы, легенды и поверья. Опыт мифологического словаря. М., 2012.

წყარო

კავკასიის ხალხთა მითები და რიტუალები