ალფანი

NPLG Wiki Dictionaries გვერდიდან
გადასვლა: ნავიგაცია, ძიება

ალფან-ი (ლეზგ. Алпан)ცეცხლისა და ჭექა-ქუხილის პერსონიფიცირებული სული დაღესტნური (ლეზგიური) რწმენა-წარმოდგენების მიხედვით. ლეზგებში ალფანის სახელობის ლოცვა ან მსხვერპლშეწირვა არ არის დაფიქსირებული. იგი მხოლოდ ფოლკლორულ ტექსტებში და ცალკეულ გამოთქმებში ფიგურირებს. ლეზგები ჭექა-ქუხილს წაჲლაფანს (ЦIайлапан) ანუ „ალფანის ცეცხლს“ უწოდებენ (ამავე სახელით მკვირცხლი ბავშვებიც იწოდება). გადატანითი მნიშვნელობით, სიტყვა „ალფანი“ სასიკვდილო, საშინელი ადგილის მნიშვნელობითაც გამოიყენება (Алпан элкъвей чка – „ადგილი, სადაც ალფანი იყო“); ცნობილია ალფანის სახელით წყევლაც: „დე, ალფანმა დაგარტყას“ (Вун алпанди ярай).

გ. გაჯიევი ვარაუდობს, რომ ლეზგიური ტერმინი „ალფან“ არის დამახინჯებული ირანული „ალფაკ“, რომლის მნიშვნელობაა „წითელი“, „წმინდა, სუფთა, უბიწო“. მისი აზრით, აღნიშნულ ტერმინში „... ფიგურირებს ელემენტი ალ- „ალისფერი“, რაც სავსებით ემთხვევა ალფანის, როგორც მეხის ცეცხლის, მახასიათებელს. ამასთან, ლეზგებში არამარტო მეხის ცეცხლი ითვლება წმინდად, არამედ მეხნაკრავი ადგილებიც და ადამიანებიც წმინდანებად მიიჩნეოდნენ“.


ლიტერატურა

  • Гаджиев Г. А. Мифические персонажи и их названия у лезгин // Отраслевая лексика дагестанских языков. Материалы и исследования. Махачкала, 1984;
  • Сефербеков Р. Из мифологии лезгин самурской долины: реконструкция образов пантеона и пандемониума // Вестник Инстимтута истории, археологии и этнографии. Махачкала. 2013, № 3.


წყარო

კავკასიის ხალხთა მითები და რიტუალები

პირადი ხელსაწყოები
სახელთა სივრცე

ვარიანტები
მოქმედებები
ნავიგაცია
ხელსაწყოები