ამირეჯიბი სიმონ
ამირეჯიბი სიმონ სარდიონის ძე - (1877, სოფ. საღოლაშენი - 1936, თბილისი) - ბაქტერიოლოგიისა და ჰიგიენის ფუძემდებელი საქართველოში, პროფესორი.
სარჩევი |
ბიოგრაფია
სიმონ ამირეჯიბმა 1903 წელს დაამთავრა ხარკოვის უნივერსიტეტის სამკურნალო ფაკულტეტი. 1907-1919 წლებში იყო ხარკოვის სამედიცინო საზოგადოების შრატებისა და ვაქცინების და ბაქტერიოლოგიური განყოფილებების გამგე.
1919 წლიდან ლექციებს კითხულობდა თბილისის სახელმწიფო უნივერსიტეტში, ხელმძღვანელობდა მის მიერვე უნივერსიტეტში ჩამოყალიბებულ ბაქტერიოლოგიისა და ზოგადი ჰიგიენის კათედრებს, ასევე, აგრონომიის ფაკულტეტის მიკრობიოლოგიის კათედრას. მისივე თაოსნობით დაიწყო (1919) ვაქცინებისა და შრატების წარმოება. 1919 წლის 13 ნოემბერს გამართულ თბილისის სახელმწიფო უნივერსიტეტის პროფესორთა საბჭოს სხდომაზე, პროფ. ალ. ნათიშვილის ნაცვლად, ს. ამირეჯიბი დროებით აირჩიეს უნივერსიტეტის საექიმო ფაკულტეტის დეკანად. შეადგინა მიკრობიოლოგიის პირველი ქართული სახელმძღვანელო.
იყო თბილისის სანიტარული ჰიგიენის ინსტიტუტის დირექტორი (1926-1933 ).
მანანა ლილუაშვილი
ლიტერატურა
ზ. გაიპარაშვილი, მ. ლილუაშვილი, „ტფილისის სახელმწიფო უნივერსიტეტის პროფესორთა საბჭოს ოქმები 1917-1926“, თბ., 2006.
იხილეთ აგრეთვე
წყარო
საქართველოს დემოკრატიული რესპუბლიკა (1918-1921) ენციკლოპედია-ლექსიკონი
