ამოტივაციური სინდრომი
ამოტივაციური სინდრომი - (amotivational syndrome), იმ სიმპტომთა ერთობლიობა, რომლებიც დაკავშირებულია ფსიქოაქტიური ნივთიერებების მოხმარებასთან: აპათია, შრომის ნაყოფიერების დაკარგვა, რთული და გრძელვადიანი გეგმების განხორციელების უნარის დაქვეითება, ფლუსტრაციის მიმართ ტოლერანტობის შემცირება, ყურადღების კონცენტრაციის დარღვევა, ყოველდღიური უნარ-ჩვევების შენარჩუნების გაძნელება, აღწერილი მდგომარეობის არსებობას არ გააჩნია ერთგვაროვანი ახსნა. აღინიშნება უმეტესად კანაბისის მოხმარებისას, შესაძლოა გამოხატავს კანაბისით ქრონიკულ ინტოქსიკაციას. აღნიშნული სიმპტომები შესაძლოა ასახავს მომხმარებლის პიროვნებასა და მის სოციალურ დაყენებებს, ან მისი განვითარების სტადიას.
სინდრომი შეიძლება აღმოცენდეს მთელი რიგი ფსიქიკური აშლილობების (მაგ., შიზოფრენია და -აფექტური აშლილობები) დროს. იგი აგრეთვე შეინიშნება მარიხუანას ან სხვა ფსიქოაქტიური ნივთიერებების რეგულარული მოხმარების შემთხვევაშიც; თუმცა გაურკვეველია, რამდენად შეიძლება იგი მიეკუთვნოს ამა თუ იმ ნივთიერების გამოყენების უშუალო ეფექტს და არა პიროვნულ თავისებურებებს, დაყენებებისა და დამოკიდებულებების სისტემების ან ფსიქოაქტიური ნივთიერების მომხმარებლის განვითარების საერთო დონეს.
