ამფეთქი
ამფეთქი - საბრძოლო მასალის მოქმედებაში მოსაყვანი ავტომატური მოწყობილობა. გამოიყენება საარტილერიო ჭურვებში, საინჟინრო და საზღვაო ნაღმებში, რაკეტების და ტორპედების საბრძოლო ნაწილებში, ავიაბომბებში.
წარმოადგენს ერთიან დამოუკიდებელ კონსტრუქციას ან შედგება რამდენიმე კონსტრუქციულად ერთმანეთისგან დამოუკიდებელი ნაწილებისგან. შესაძლებელია იყოს სათავო, ცენტრალური, გვერდითი და სხვა.
მოქმედების პრინციპის მიხედვით:
საკონტაქტო (მექანიკური, ელექტრომექანიკური, ელექტროქიმიური, პიეზოელექტრული; მყისიერი, ინერციული ან შენელებული მოქმედების) – ამოქმედდებიან მიზანთან, წინაღობასთან შეხების დროს;
დისტანციური (საათიანი, პიროტექნიკური, ელექტრული და ელექტრომექანიკური) – ამოქმედდებიან ტრაექტორიაზე დადგენილი დროის გასვლის შემდეგ;
არაკონტაქტური (რადიოამფეთქებლები, ელექტრონულ-ოპტიკური, აკუსტიკური, მაგნიტური, ჰიდროდინამიკური, სეისმური და სხვა) – ამოქმედდება ამფეთქის ფიზიკური ველის მიზანთან ურთიერთობით;
კომბინირებული – ითავსებს მოქმედების ჩამოთვლილ პრინციპებს. პირველად გამოიყენეს XVI საუკუნეში ფეთქებადი საარტილერიო ჭურვების შექმნასთან დაკავშირებით. თავიდან ეწოდებოდა მილები.
