ამფიბიური ოპერაცია
NPLG Wiki Dictionaries გვერდიდან
ამფიბიური ოპერაცია - ამფიბიური ძალების ფართო გამოყენებით განხორციელებული საბრძოლო მოქმედებები საზღვაო დესანტის გადასხმით. ტერმინი გამოიყენება აშშ-ში, დიდ ბრიტანეთსა და ზოგიერთ სხვა სახელმწიფოში.
ამფიბიური ოპერაციის სახეობებად ითვლება საზღვაო-სადესანტო ოპერაცია, რეიდი მოწინააღმდეგის სანაპიროზე, დესანტის სადემონსტრაციო გადასხმა და ჯარების ზღვით ევაკუაცია.
მსხვილი ამფიბიური ოპერაციის ჩასატარებლად იქმნება შეიარაღებული ძალების ყველა სახეობებიდან შემდგარი დაჯგუფებები. მცირე მასშტაბის ოპერაციებში, ჩვეულებრივ, მონაწილეობენ ამფიბიური (სადესანტო) შენაერთები, ტაქტიკური ავიაცია, დესანტები სახმელეთო ჯარების და საზღვაო ქვეითების შემადგენლობით.
