აპიაშვილი იაკობ

იაკობ პაპიაშვილი

პაპიაშვილი იაკობ − (1942), ინჟინერი, მთარგმნელი, მკვლევარი, მწერალი, პოეტი, პუბლიცისტი. დაიბადა ქუთაისში. 1966 წელს დაამთავრა სპი ინჟინერ-მშენებლის სპეციალობით. 1958-1966 წლებში თამაშობდა თბილისის „პოლიტექნიკის” რაგბისტთა გუნდში; სხვადასხვა წლებში მუშაობდა ინჟინრის სპეციალობით. 1990-1996 წლებში ქუთაისის აკაკი წერეთლის სახელმწიფო უნივერსიტეტში კითხულობდა ლექციების კურსს – „ქართულ-ებრაული ურთიერთობები”; 1972 წლიდან იყო გაზეთ „ქუთაისის” და „სოფლის ცხოვრების” შტატგარეშე კორესპონდენტი. ამავე წლიდან ეწევა პროფესიონალურ ლიტერატურულ და მეცნიერულ კვლევით მუშობას; მისი მეცნიერული ნაშრომი „ჰურიათა ქართველთა” კავკასიური წარმომავლობის შესახებ ახალ ფურცელს შლის ქართველთა და ახლო აღმოსავლეთის ხალხთა ისტორიოგრაფიაში. 1989 წლიდან მისი რომანები („ქართული ლეგენდა” და „ხანისწყალთან”), მოთხრობები და ლექსები იბეჭდებოდა ისრაელის ქართულენოვან გაზეთში „ალია საქართველოდან”.

წყარო

ქართველი პოეტები (ენციკლოპედია)