ასკანიუსი
NPLG Wiki Dictionaries გვერდიდან
ასკანიუსი – (ბერძნ.) ენეასისა და კრეუსას ვაჟი. მას ხშირად იულუსსაც უწოდებდნენ და თვლიდნენ იულიუსთა (კეისარი, ავგუსტუსი) მოდგმის წინაპრად.
ასკანიუსი თან ახლდა ენეასს მოგზაურობათა ჟამს. მითის ზოგი ვარიანტის თანახმად, ტროას დაცემის შემდეგ იგი მეფობდა ტროაში. ენეასის გარდაცვალებიდან 30 წლის შემდეგ კი ასკანიუსმა დააარსა იტალიაში ქალაქი ალბა-ლონგა, რომელიც იქცა ენეასის ჩამომავალთა რეზიდენციად.
