აფოფი

აფოფი – ეგვიპტური მითოლოგიის გიგანტური, ოთხასორმოცდაათი წყრთის სიგრძე გველი, გველეშაპი, რომელიც ედევნება და აბრკოლებს ქვესკნელში ჩასული რაეს, მზის ღმერთის სვლას მიწისქვეშა ნილოსზე, ცდილობს სამუდამოდ დააკავოს იგი ქვესკნელში, რათა კვლავ აღარ ამოვიდეს ზემო სამყაროში. ამისთვის აფოფი შთანთქავს ქვემოური ნილოსის წყლებს. რაე ებრძვის მას გველ მეხენის დახმარებით, სერავს მისი დაკლაკნილი სხეულის ყველა ხვეულს და უკან ამოანთხევინებს წყალს, რის შემდეგაც რაე დაუბრკოლებლად განაგრძობს ნავით ცურვას.

წყარო

მითოლოგიური ენციკლოპედია ყმაწვილთათვის