აფრიკის ქვეყნების ერთიანობის ორგანიზაცია
NPLG Wiki Dictionaries გვერდიდან
აფრიკის ქვეყნების ერთიანობის ორგანიზაცია - აფრიკის ქვეყნების საერთაშორისო, სამთავრობოთაშორისო ორგანიზაცია. შეიქმნა 1963 წელს. შედის 53 სახელმწიფო.
მიზნები
- აფრიკული სახელმწიფოების ერთიანობის და სოლიდარობის მხარდაჭერა;
- პოლიტიკის, დიპლომატიის, თავდაცვის, ეკონომიკის, განათლებისა და კულტურის სფეროებში მათი მოქმედების კოორდინაცია;
- კონტინენტზე კოლონიალიზმის და რასიზმის ნარჩენებთან ბრძოლა.
ადმინისტრაცია
უმაღლესი ორგანო – სახელმწიფოების და მთავრობების ხელმძღვანელობის ყოველწლიური ასამბლეა.
მუდმივი ადმინისტრაციული ორგანო – გენერალური სამდივნო (ადის-აბება).
მოქმედებს მრავალი სპეციალიზებული ორგანოები:
- ეკონომიკის და სოციალურ საკითხთა;
- მეცნიერების, კულტურის, განათლებისა და ჯანმრთელობის დაცვის;
- თავდაცვის კომიტეტები;
- დროებითი კომიტეტები.
აფრიკის ქვეყნების ერთიანობის ორგანიზაციის გადაწყვეტილებებს აქვს საკონსულტაციო ხასიათი. აფრიკის ქვეყნების ერთიანობის ორგანიზაცია. არის მუდმივი მეთვალყურე გაეროში, თანამშრომლობს არაბული სახელმწიფოების ლიგასთან.