ბერაძე მერაბ
NPLG Wiki Dictionaries გვერდიდან
ბერაძე მერაბ − (1936), ქართველი პოეტი, დრამატურგი და სცენარისტი. დაიბადა ჩოხატაურში. 1961 წელს დაამთავრა საქართველოს სასოფლო სამეურნეო ინსტიტუტი. მუშაობდა საქართველოს ტელევიზიის კომენტატორად. არის 2 წიგნის (პოეტური კრებული − „დანაღმული საქორწინო ბეჭედი”) , 8 პიესის, 4 სატელევიზიო ფილმის სცენარის ავტორი.
- * * *
- თუკი ოდესმე მოგენატრები
- და ჩემზე ფიქრით გონებას დაღლი,
- შემოგაწვება გულზე ნაღველი,
- მოგენატრება ეს ჩემი სახლი.
- რა სიზმარივით გაუჩინარდი,
- სად არ ვიყავ და სად არ გეძიე,
- გახსოვს, ოდესღაც ცაში ვფრინავდით,
- ახლა კი მოდი, სტუმრად მეწვიე!
- სტუმრად მეწვიე, ბუხართან დაგსვამ
- და მე გამანდე შენი ფიქრები,
- თუკი ოდესმე მოგენატრები,
- შენთვის ყოველთვის სახლში ვიქნები!