ბობოლა

ბობოლა – დიდმარხვის სიმბოლო – ხახვის ბოლქვი, ან ნაცრით სავსე პარკი (ფშავი), რომელშიც ქათმის, ან სხვა შინაური ფრინველის შვიდი ნაკრტენი (დიდმარხვის შვიდი კვირის სიმბოლო) იყო გარჭობილი. ასეთ სადიდმარხო საფრთხობელას ოთახის ან აივნის ჭერზე ჩამოკიდებდნენ და ყოველი კვირის გასვლისას ერთ ნაკრტენს გამოაძრობდნენ. როგორც კი დიდმარხვა ჩაივლიდა, ბობოლას გადააგდებდნენ (შდრ. „კირკადოლ-ი“). ბობოლათი ბავშვებსაც აშინებდნენ.

ლიტერატურა

• ს. მენთეშაშვილი. ქიზიყური ლექსიკონი. თბ., 1954;
• ი. ქეშიკაშვილი. თედო რაზიკაშვილისა და ბაჩანას თხზულებათა ლექსიკა. თბ., 1969;
• Анчабадзе, Ю., Волкова. Н. Старый Тбилиси. Город и горожане в XIX в. .М., 1990, გვ. 230.

წყარო

კავკასიის ხალხთა მითები და რიტუალები