გაერთიანებული ერების ორგანიზაციის უმაღლესი კომისრის სამმართველო ლტოლვილების საკითხებში
NPLG Wiki Dictionaries გვერდიდან
გაერთიანებული ერების ორგანიზაციის უმაღლესი კომისრის სამმართველო ლტოლვილების საკითხებში (Office of the United Nations High Commissioner for Refugees – UNHCR) – შეიქმნა 1949 წელს, მას დაეკისრა განეგრძო ლტოლვილთა და გადაადგილებულ პირთათავის იმ დახმარების გაწევა რომელსაც 1947 წლამდე ახორციელებდა ლტოლვილთა საქმეების სპეციალური საერთაშორისო ორგანიზაცია (1944-47).
სამმართველოს საქმიანობა წმინდა ჰუმანიტარულია და არ ატარებს პოლიტიკურ ხასიათს. მისი ფუნქციებია:
- ლტოლვილთა დაცვა,
- მათი უფლებების გარანტირება,
- მატერიალური დახმარების გაწევა,
- საცხოვრებელ ადგილებზე დაბრუნებისთვის პირობების შექმნა.
სამმართველოს აქვს აღმასრულებელი კომიტეტი, მის შემადგენლობაში არიან 42 სახელმწიფოს წარმომადგენლები. ადმინისტრაციული ხარჯები შედის გაეროს ბიუჯეტში. საქართველოში გახსნილია უმაღლესი კომისრის წარმომადგენლობა ლტოლვილების საკითხთა გადასაწყვეტად.