გამანადგურებელ-ბომბდამშენი
NPLG Wiki Dictionaries გვერდიდან
გამანადგურებელ-ბომბდამშენი - საბრძოლო თვითმფრინავი, რომელიც განკუთვნილია სახმელეთო (საზღვაო), მათ შორის მცირე ზომის მოძრავი მიზნების გასანადგურებლად მოწინააღმდეგის ტაქტიკურ და უახლოეს ოპერატიულ სიღრმეში; აგრეთვე საფრენი აპარატების წინააღმდეგ საბრძოლველად ჰაერში, დაზვერვის საწარმოებლად და ნაღმური ღობურების დასაყენებლად.
გამანადგურებელს იგი აღემატება თავისი საბრძოლო დატვირთვით. გამანადგურებელ-ბომბდამშენი შეიძლება აღჭურვილი იყოს ბირთვული და ჩვეულებრივი ბომბებით, ამნთები ავზებით, მართვადი და უმართავი რაკეტებით, საარტილერიო შეიარაღებით. მას აგრეთვე აქვს მრავალფუნქციური რადიოსალოკაციო დასამიზნებელი სისტემა ავტომატიზებული დაბომბვის განსახორციელებლად.