გამიზვნა
გამიზვნა – მართვის ხერხი, რომლის დროსაც ძალებს (წყალქვეშა ნავი, საფრენი აპარატი) ან იარაღს მიეცემა მოძრაობის პარამეტრები (კურსი, სიჩქარე, სვლის სიღრმე, ფრენის სიმაღლე და სხვა). ეს პარამეტრები მათ გაიყვანენ დაზიანებისთვის შერჩეულ მოწინააღმდეგის ობიექტებთან იმ მანძილზე, რომელიც დასახული ამოცანის შესრულების საშუალებას იძლევა.
სარჩევი |
პილოტირებადი საფრენი აპარატების გამიზვნა
შეიძლება ხელსაწყოებით (ავტომატური) და თვალზომით. ხორციელდება მართვის პუნქტებიდან, სადაზვერვო და მიზანჩვენების თვითმფრინავებიდან (ვერტმფრენებიდან) საბორტო რადიოლოკაციური სადგურებით მის გადაჭერამდე ან ეკიპაჟის მიერ მიზნის ვიზუალურ აღმოჩენამდე. გამანადგურებლების გამიზვნა უშუალოდ საჰაერო მიზანზე ხორციელდება. სახმელეთო (წყალზედა, წყალქვეშა) მიზნებზე გამიზვნა შეიძლება მიზნის რაიონში დამხმარე ორიენტირის მეშვეობით განხორციელდეს.
რაკეტების გამიზვნა
არის ავტონომიური, დისტანციური, თვითდამიზნებადი და კომბინირებული.
ავტონომიური გამიზვნის დროს ფრენის მართვის კომანდები რაკეტის ბორტზე გამიზვნის პუნქტის მონაწილეობის გარეშე გამომუშავდება. დისტანციური გამიზვნა გამიზვნის პუნქტიდან ხორციელდება. კომბინირებული გამიზვნა წარმოადგენს ავტონომიური, დისტანციური გამიზვნის და თვითდამიზნების შეხამების სხვადასხვა ვარიანტს. იგი გამიზვნაის რამდენიმე სისტემის თანამიმდევრობით ხორციელდება.
ტორპედოების გამიზვნა
ავტონომიური მართვის, ტელემართვის და თვითდამიზნების სისტემების მეშვეობით ხორციელდება.
წყალქვეშა ნავის გამიზვნა
შეიძლება ხორციელდებოდეს: მოწინააღმდეგის ხომალდების (სატორპედო წყალქვეშა ნავები) მოძრაობის ზოლში; სროლის ფართობში (სარაკეტო წყალქვეშა ნავები); თვალთვალის ზონაში (წყალქვეშა ნავები, რომლებიც თვალთვალის და თვალყურის მიდევნების ამოცანებს ასრულებენ). ჩვეულებრივ, ხორციელდება სანაპირო სამეთაურო პუნქტიდან წყალქვეშა ნავის მიერ დანიშნული პოზიციის დაკავებამდე.
