გვენეტაძე ლია

ლია გვენეტაძე

გვენეტაძე ლია – (1965), მწერალი, ჟურნალისტი, მეცნიერ-მუშაკი, პუბლიცისტი და მთარგმნელი, დაიბადა თერჯოლაში. 1983 წელს წარმატებით დაასრულა საშუალო სკოლა, 1990 წელს კი – თსუ-ს ისტორიისა და ჟურნალისტიკის ფაკულტეტები. წლების განმავლობაში მუშაობდა პედაგოგად, ქუთაისის საქალაქო რადიოს ლიტერატურული პროგრამების რედაქტორად, საქართველოს სახალხო დამცველის, დასავლეთ საქართველოს პრეს-სამსახურის უფროსად, ტელერადიოკომპანია „რიონის“კინო, საბავშვო, ლიტერატურული და საინფორმაციო პროგრამების მთავარ რედაქტორად;

მრავალი წელია თანამშრომლობს ბეჭდვით და ელექტრონულ მედიასთან. გამოცემული აქვს პოეზიისა და პროზაულ ნაწარმოებთა რამდენიმე კრებული. ამჟამად ქუთაისის სამუზეუმო გაერთიანებათა ქსელის მთავარი კონსულტანტი და საზოგადოებრივი მოძრაობა „ქალი და არჩევანის თავისუფლების” თავმჯდომარეა. გამოცემული აქვს კრებული „ფიქრის ვექტორი”.

სინანული (სოციალური ლექსი)

ზარია დილით – „ვის გავახასენდი?!“

ძილსდაღწეულმა გულში იკითხე –

გირეკავს დედა, რომელიც შვილმა

ორი კვირაა არ მოიკითხე...

ღრუბლებმა მძიმედ დაბურეს ზეცა,

საცაა წვიმის წამოვა თქეში,

ახლა დგახარ და ცრემლით ჩამქრალი

თაფლის სანთელი გიჭირავს ხელში.

ყველას თავისი დარდი მოაშთობს,

ფიქრებს გაჰყვები დროში ურეკებს

და შენ ლოცულობ დედისთვის, ვისაც

ორი კვირაა არც დაურეკე.

წყარო

ქართველი პოეტები (ენციკლოპედია)